Bizneset në Vlorë sërish në protestë: Të lejohet muzika deri në orën 2

Pak orë pas vendimit të Komitetit Teknik që miratonte vetëm vendimin e kryeministrit Rama për të shtyrë me 1 orë ndalimin e muzikës, në kuadër të masave anti-covid, përfaqësuesit e bizneseve në Vlorë kanë dalë sërish në protestë.

Për ta zgjatja me një orë e muzikës nuk përmbush asgjë.

Në ditën e dytë të protestave ata përsëritën kërkesat e tyre që të ndryshohet orari kufizues dhe baret dhe restorantet të shërbejnë deri në orën 2 të mëngjesit dhe të lejohet një muzikë në sfond.

LEXO EDHE  VIDEO/ Zjarret në Gjorm e Kuç të Vlorës, në ndihmë edhe 1 helikopter

”Nuk po flitet më për muzikën e lartë, por për një fashë orari që baret të jenë të hapura dhe të ken një muzikë në sfond.”

Për bizneset shqetësim janë edhe shfaqjet e policisë.

”Kërkojmë një bashkëpunim me policinë dhe operatorët. Jemi të gatshëm që të bashkëpunojmë qoftë edhe me telefon, por duhen shmangur furgonat e policisë duke tmerruar pushuesit.”

Marshimi përgjatë shëtitores me dritat e celularëve ndezur përmbylli protestën e biznesit mbrëmjen e së hënës në Vlorë.