Një e moshuar është plagosur këtë të Hënë në Kullë (Manëz-Durrës), si pasojë e një shpërthimi gazi në banesën e saj.
Policia njoftoi se rreth orës 12:00, në banesën e shtetasit U.M. ka plasur një bombol gazi e për pasojë është lënduar bashkëshortja e tij – shtetësja S.M., 70 vjeçe, e cila ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes, shtuan të njëjtat burime.
