Brenda muajit korrik, Këshilli Kombëtar i PD pritet të mblidhet dhe të votojë Sekretarët e kësaj force politike, por edhe nënkryetarët.
Nga raportimet mësohet se në zgjedhje do të kalojnë të gjitha pozicionet drejtuese të Partisë Demokratike, pavarësisht faktit se mandati i tyre përfundon vitin e ardhshëm.
Burime nga PD shprehen se Këshilli Kombëtar do të votojë për nënkryetarët, Sekretarin e Përgjithshëm, dhe të gjithë Sekretarët e tjerë.
Ndryshimet statutore parashikojnë që mund të ketë një shtim në Sekretariatin e PD. Zgjedhjet në këtë parti po zhvillohen bazuar në analizën e grupit të punës ku ndër të tjera është evidentuar edhe fakti se nuk janë arritur objektivat zgjedhorë sipas qarqeve. Kjo analizë ka krijuar debate në mbledhjen e Kryesisë së PD, e cila duket se do të rinovohet bazuar në procesin zgjedhor të kësaj partie.
