Nënkryetari i PD-së, Edi Paloka thotë se kryeministri Edi Rama e di shumë mirë se ai nuk mund të sundojë një popull që e urren.
Përmes një postimi në rrjetin social, duke nënvizuar pjesë nga fjalimi që mbajti dje në Kuvendin Kombëtar, Paloka thekson se PD është e vetmja forcë që mundet dhe duhet ti prijë këtij zemërimi dhe shpresës së njerëzve për ndryshim.
Postimi i plotë
Pema e lirisë duhet vaditur herë pas here se ndryshe thahet e rrëzohet…
Rama e di shumë mirë se nuk mund të sundojë një popull që e urren! Urrejtja ndaj kësaj qeverie dhe dëshira për ndryshim as nuk janë zbehur as nuk janë zvogluar pas 25 prillit, përkundrazi.
Dëshpërimit ja zë vendin zemërimi. PD është e vetmja forcë që mundet dhe duhet ti prijë këtij zemërimi dhe shpresës së njerëze për ndryshim.
Mbyllja e fjalës dje në Kuvendin e PD-së
(“Pema e lirise duhet vaditur here pas here me gjak patriotesh dhe tiranesh”,-Thomas Jefferson)
