Emrat/ Ja lista fituese e Këshillit Kombëtar të PD. Emrat e njohur që mungojnë

Partia Demokratike ka publikuar listën fituese të anëtarëve të Këshillit Kombëtar.

Nga 598 kandidatë, Kuvendi Kombëtar i PD ka votuar për 300 emrat, që bashkë me anëtarët e Kryesisë dhe Grupin Parlamentar do të përbëjnë edhe forumin më të lartë vendimarrës mes dy Kuvendeve Kombëtare.

Risi e Këshillit të ri Kombëtar është fakti se 45 anëtarë janë nga FRPD dhe 90 i përkasin LGD-së.

Nga lista e publikuar vihet re mungesa e Arben Ristanit, ish-Sekretar i Përgjithshëm i PD, apo Edith Harxhit, e cila garoi përballë Lulzim Bashës për postin e Kryetarit të PD, jamarbër Malltezi, kreu i Departamentit të Mjedisit, Valentina Duka, Sait Dollapi apo Halim Kosova, ndërkohë që rezultojnë fitues Oriela Nebijaj apo Glauk Olldashi, djali i Sokol Olldashit, si dhe artisti Robert Budina.

LEXO EDHE  Afera me “arkë peshku”, Rovena Voda mbetet në “arrest shtëpie”

Statusi i PD-së parashikon që automatikisht anëtar të Këshillit Kombëtar të PD-së zgjidhen ish-presidentët, ish-kryeministrat, ish-kryetarët e Kuvendit, ish-kryetarët e PD-së, që janë anëtarë të partisë në momentin e mbledhjes së Kuvendit Kombëtar.

Gjithashtu pjesë e Këshillit Kombëtar janë edhe Kryebashkiakët e PD, si dhe drejtuesit e degëve të kësaj partie. Një ditë më parë Kuvendi Kombëtar miratoi ndryshimet në statut të propozuara nga Lulzim Basha, i cili ka shtuar numrin e anëtarëve të Kryesisë, por edhe Këshillit Kombëtar, si dhe Sekretariatin e partisë.