“I dha 27 mln Lekë tendera kunatit”, SPAK çon për gjykim dosjen ndaj shefit të logjistikës së burgut 313

Prokuroria e Posaçme Kundër Korrupsionit dhe Krimit të Organizuar ka bërë të ditur këtë të premte se ka përfunduar hetimet paraprake për procedimin penal nr.89/1 të vitit 2020, ndaj shefit të logjistikës së burgut 313.

Në përfundim të hetimeve paraprake, është marrë i pandehur dhe është dërguar për gjykim me masë sigurie personale “arrest në burg”, i pandehuri Florin Ahmetaj (Përgjegjës i Sektorit të Logjistikës në IEVP – në “Jordan Misja”, Tiranë). Ai akuzohet për veprat penale të “Shkeljes së barazisë së pjesëmarrësve në tendera apo ankande publike” dhe “Shpërdorim i detyrës”.

Sipas SPAK, hetimet e këtij procedimi penal kanë evidentuar faktin se i pandehuri Florin Ahmetaj, në cilësinë e Përgjegjësit të Sektorit të Logjistikës në IEVP – në “Jordan Misja”, Tiranë dhe anëtar i Komisionit të Prokurimit për Blerje të Vogla në këtë IEVP, ka krijuar në datën 28.01.2019 një person tregtar fizik, të cilin e ka regjistruar në emër të kunatit të tij.

LEXO EDHE  Akuzohen për shpërdorim detyre, Apeli merr vendimin për Mariglen Qaton dhe 2 zyrtarët e tjerë të IMT-së

Pas regjistrimit të personit fizik, duke përfituar nga pozita e tij si Shef i Sektorit të Logjistikës në IEVP – në “Jordan Misja” dhe anëtar i Komisionit të Prokurimit për Blerje të Vogla, bën të mundur që në mënyrë të kundraligjshme personi fizik të përfitojë kontrata në disa procedura prokurimi dhe blerje pranë IEVP “Jordan Misja”.

Megjithëse një subjekt tregëtar i ri dhe pa eksperiencë, brenda një periudhe 14 mujore subjekti tregëtar, person fizik, ka fituar 12 procedura prokurimi dhe blerje, me vlerë rreth 2,7 milion lekë (të reja), të organizuara nga ana e IEVP “Jordan Misja”, Tiranë.