Golashënuesit më të vjetër të Europianit

Goran Pandev realizoi një gol në Euro 2020, por sulmuesi i Maqedonisë së Veriut nuk është golashënuesi më i vjetër që shënon në historinë e turneut. Rekordi mbahet nga austriaku, Ivica Vastiç, i cili shënoi në moshën 38 vjeç e 257 ditë ndaj Polonisë në Euro 2008. Vendi i dytë për Goran Pandev.

Maqedonasi i Xhenoas tundi rrjetën e Austrisë në moshën 37-vjeç e 322 ditë. Gol që zbriti në vendin e tretë hungarezin Zoltan Gera në Euro 2016. Mesfushori i befasoi të gjithë kur shënoi në moshën 37 vjeç e 62 ditë përballë Portugalisë, që në fund të turneut u shpall kampione Europe.

LEXO EDHE  Agim Zeka transferohet më Kosovë, e zyrtarizon klubi…

Po në këtë Europian, Garet Mkauli realizoi përballë Ukrainës, duke qenë edhe golashënuesi më i vjetër për Irlandën e Veriut në moshën 36 vjeç e 194 ditë. Këtë vit udhëhoqi deri në çerekfinale Ukrainën, por Andri Shevçenko në kohën e tij ishte një “goleador race”. Ish-sulmuesi i Milanit është i pesti në këtë renditje speciale, pasi në Euro 2012 ndaj Suedisë realizoi gol në moshën 35 vjeç e 256 ditë.