Arrestohet burri i ish-ministres Besa Shahini /Detajet

Bashkëshorti i ish-ministres së Arsimit Besa Shahini, Dardan Molliqaj, u arrestua në Prishtinë.

Partia Socialdemokrate (PSD) ndërmori një aksion mesditën e sotme në hapësirat pranë ndërtesës së qeverisë, saktësisht te ish-objekti i “Rilindjes”, për të kundërshtuar “etiketat ngjitëse”, raportuan mediat e Kosovës.

Dhjetëra vetura zyrtare janë mbuluar me mbishkrime “Zhvatës”.

Pas aksionit, 7 anëtarë, me në krye me kryetarin e kësaj partie Dardan Molliqaj, janë arrestuar nga ana e Policisë së Kosovës, konfirmoi PSD.

LEXO EDHE  Parashikimi i motit për ditën e shtunë, 31 Korrik 2021

Qytetarët e Kosovës, nga muaji shtator do të duhet të paguajnë edhe nga 5 euro shtesë për regjistrimin e automjetit. E gjitha kjo për shkak të një marrëveshje që kanë bërë institucionet për ofrimin e etiketës ngjitëse që shërben për konfirmimin e kontrollimit teknik të automjeteve. Kundër kosotos shtesë u protestua ditën e sotme.