Mbytet një pushues kosovar në plazhin e Kunes

Një tjetër pushues ka humbur jetën duke u mbytur në det. Viktima është një i moshuar nga Kosova i cili kishte zgjedhur bregdetin e Lezhës për të pushuar.

Policia njoftoi se rreth mesditës, në plazhin e Kunes, është mbytur në det Zeqir Zeqo, rreth 77 vjeç, banues në Kosovë.

Grupi hetimor ndodhet në vendngjarje punon për sqarimin e plotë të rrethanave të ngjarjes, shtuan të njëjtat burime.

LEXO EDHE  Të shtëna me armë zjarri në Lezhë, ja çfarë thotë Policia

Me nisjen e sezonit veror, ka pasur herë pas herë raste të pushuesve që mbyten në det.

Në rritjen e pasigurisë së jetës në plazhe ndikon mungesa e rojeve bregdetare. Konstatohet në thuajse gjitha plazhet. Problem ky që vijon prej vitesh dhe që pushteti duket i pafuqishëm për ti dhënë zgjidhje.