Pastori katolik i Arkidioqezës Metropolitane At Dom Gjergj Meta ka njoftuar ndarjen nga jeta të babit të tij Pashk Gjergj Meta.
‘Gjatë jetës së tij u mundua me mish e me shpirt të mbetej njeri, burrë, bashkshort, prind dhe shok i mirë. Deshi Zotin dhe të afërmin!’, shkruan Meta në Facebook.
Postimi i plotë i Dom Gjergj Metës:
Të dashur miq,
Baba jonë, Pashk Gjergj Meta, sot vdiq!
Ai u lind me 23 mars 1950 në Rrushkull të Durrësit.
Gjatë jetës së tij u mundua me mish e me shpirt të mbetej njeri, burrë, bashkshort, prind dhe shok i mirë. Deshi Zotin dhe të afërmin!
Zotin e falenderojmë për sa e la mes nesh. Ai e shpërbleftë për të mirat që ka bërë e ia faltë gabimet.
Varrimi bëhet nesër me datë 16 korrik 2021 në orën 10.00 në fshatin Rrushkull të Durrësit.
Ju kërkojmë të thoni një lutje për shpirtin e tij!
D.Gjergji, Paulin Meta, Sandra Sandra, Marge MK
