Një sasi kokainë është gjetur në një kontejner në Portin e Durrësit pak pas mesditës së të martës. Policia bën të ditur se janë zbuluar 14 pako me lëndë narkotike të dyshuar kokainë, ndërsa është duke vijuar kontrolli.
Mësohet se kontejneri me banane kishte mbërritur në Durrës, 2 ditë më parë. Policia priti derisa të mbërrinin personat që do të merrnin kontejnerit dhe deri tani janë shoqëruar dy persona, një prej të cilëve është drejtuesi i automjetit dhe administratiri i firmës që porositi ngarkesën me banane.
Burime nga policia bëjnë të ditur se pakot peshojnë nga 10 deri në 12 kg. Subjekti pritës ishte kompania “Alba Exotic”. Kjo kompani ka pronarë Eduart Dautin e Barjon Gumenin. Ky i fundit nuk është një emër i panjohur, pasi në vitin 2019 në konteinerët e po të njëjtës firmë, pra ‘Alba Exotic Fruit’ në Pire, u gjetën 137 kg kokainë që u zëvendësua me oriz. Për kokainën e ngarkuar në kontinerët e ‘Alba Exotic Fruit’ u shpall në kërkim Gentian Malindi.
Grupi hetimor, nën drejtimin e Prokurorisë së Rrethit Gjyqësor Durrës vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
Lexo edhe:
DETAJE – Kokaina e sekuestruar në Durrës/ Zbulohen 14 pako, vinte nga Ekuadori (VIDEO)
DENONCO