Pas publikimit në media dhe rrjete sociale të dy rasteve të dhunës, në kryeqytet, ku protagonist ishin punonujës të Policisë Bashkiake, ka reaguar edhe Komisioneri për Mbrojtjen nga Diskriminimi.
Ndërsa e konsideron dhunën e papranueshme dhe veprimet e policisë jo të denja, komisioneri ben thirrje për vetpërmbajtje.
Deklarata
Komisioneri për Mbrojtjen nga Diskriminimi u njoh përmes mediave për dy incidente të një pasnjëshme, në të cilën përfshihen efektivë të policisë bashkiake Tiranë.
Komisioneri për Mbrojtjen nga Diskriminimi konstatoi përmes pamjeve filmike sjellje jo proporcionale të efektivëve të policisë bashkiake Tiranë, ushtrim të forcës fizike ndaj një të moshuari dhe cënim të dinjitetit të një të moshuare shitëse ambulante.
Detyra e policisë Bashkiake për të zbatuar ligjin nr.8224, datë 15.05.1997 “Për organizimin dhe funksionimin e policisë së bashkisë dhe komunës”, duhet bërë duke garantuar të drejtat dhe liritë themelore të njeriut, proporcionalitetin dhe sidomos respektimin e Dinjitetit të Njeriut.
Komisioneri për Mbrojtjen nga Diskriminimi nxit policinë e Bashkisë së Tiranës të vetpërmbahet në sjelljet publike e të komunikojë dhe të sillet me etikë kundrejt çdo qytetari, pavarësisht shkeljeve administrative që konstatohen.
Respektimi i dinjitetit njerëzor duhet të udhëheqë gjithmonë veprimet e organeve publike.
DENONCO