Në studion e emisionit Çim Peka Live në Syri Tv, ishin të ftuar mjeku Erion Dasho dhe kreu i Urgjencës Kombëtare, Skënder Brataj.
Dasho theksoi se në Shqipëri ka 16 mijë vdekje nga Covid, ndërsa akuzoi Bratajn se është bërë një zëdhënës i qeverisë, e për më tepër, nuk është epidemiolog.
Erion Dasho: Zoti Brataj dhe kolegët e tij kanë qenë zëdhënës të qeverisë. Në Shqipëri janë 16 mijë vdekje nga Covid. Unë flas me shkencën time epidemiologjike dhe nuk është shkenca e urgjencës. Ti nuk je epidemiolog. Nuk të ka dalë asnjë parashikim. Duhet të dëgjosh ekspertët. Për Urgjencën i heqim kapelën Bratajt, por jo për epidemiologjinë.
Skënder Brataj: Mos thuaj gënjeshtra tani e thua pastaj mos më ndërprit. Nuk më duket normale që të flasim për vdekje, kur s’ka vdekje në kohët e fundit nga Covid. Unë jam profesionist e nuk jam politikan, nuk marr urdhra nga politikanë. Nuk them se jam epidemiolog, por kam kaq njohuri sa të flas edhe për epidemiologjinë.
