E rëndë/ 16 të rinj vdesin duke bërë selfie kur bie rrufeja!

Një goditje rrufeje vrau të paktën 16 njerëz dhe plagosi shumë të tjerë në Jaipur në Indinë veriore. Të gjithë personat që ndërruan jetë po bënin selfie nën shi në majë të një kulle vrojtimi në Amer Fort, një atraksion i njohur turistik.

Një oficer i lartë policie i tha medias se shumica e njerëzve mes të vdekurve në kullën e fortesës ishin të rinj. Njëzet e shtatë njerëz ishin në kullë kur ndodhi ngjarja. Sipas raporteve të gjithë personat u shtrinë në tokë.

LEXO EDHE  Pas votimeve, Gjermania përballet me negociata të gjata për një qeveri koalicioni

Sezoni i shirave në Indi zakonisht zgjat nga qershori deri në shtator. Goditjet e rrufesë vrasin rreth 2,000 indianë mesatarisht çdo vit, sipas të dhënave zyrtare.

Departamenti Meteorologjik Indian (IMD) ka thënë se vdekjet nga goditjet e rrufesë janë dyfishuar në vend që nga vitet 1960. Një nga arsyet që ata përmendën ishte kriza e klimës.