Ish-ministri i Drejtësisë, Ylli Manjani, ka ironizuar deklaratat e Ambasadores amerikane, Yuri Kim, pas operacionit të djeshëm të SPAK, që çoi në arrestimin e 9 zyrtarëve dhe ish-zyrtarëve të Ministrisë së Brendshme, lidhur me tenderin e uniformave.
Kim u shpreh ndër të tjera se abuzimi me paratë e popullit shqiptar është njëkohësisht edhe abuzim ndaj popullit amerikan, deklaratë kjo që sipas Manjanit, është pa lidhje logjike.
“Kur Ambasadorët e USA të bëhen guvernarorë të Shqipërisë dhe administrada jonë të prokurojë paratë e tyre, mbase mund të qëndrojnë këto deklarata, përfshi edhe zbatimi i urdhërave të Presidentit të Amerikës.
Për momentin Shqipëria mbetet shtet i pavarur dhe sovran. Këtë gjë e konfirmon vazhdimisht edhe Kryeministri i Shqipërisë”, shkruan Manjani.
Postimi nga Ylli Manjani
Për hir të fakteve, çdo qindarkë e prokuruar nga entet publike të Republikës së Shqipërisë, janë para ekskluzive të buxhetit të shtetit shqiptar.
Pa asnjë dyshim që është kështu!
Asnjë cent parash të huaja, përfshi edhe ato shumë shumë pak dollarë që hyjnë në vend, nuk prokurohen nga entet publike tonat.
Ato dollarë asistence teknike që USA i programon për Shqipërinë i tenderon vete dhe më së shumti ja jep kompanive të konsulencës amerikane.
Edhe paratë e kredive, nëse tenderohen nga ne janë para të buxhetit të shtetit tonë, sepse janë pra të marra borxh.
Llogjikisht abuzimi me tenderat është në dëm direkt të buxhetit të shqiptarëve që kontribojnë ekskluzivisht për atë buxhet.
Ndaj ajo deklarata, krejt pa lidhje llogjike, e zonjës Kim se “…abuzimi me paratë publike të popullit Shqiptar, është njëkohësisht edhe abuzim ndaj popullit Amerikan…” NUK QËNDRON!
Kur Ambasadorët e USA të bëhen guvernarorë të Shqipërisë dhe administrada jonë të prokurojë paratë e tyre, mbase mund të qëndrojnë këto deklarata, përfshi edhe zbatimi i urdhërave të Presidentit të Amerikës.
Për momentin Shqipëria mbetet shtet i pavarur dhe sovran. Këtë gjë e konfirmon vazhdimisht edhe Kryeministri i Shqipërisë.
