Ka një episod nga ato që kanë ndodhur para zgjedhjeve që shumëkush nga teleshikuesit e kanë harruar. Kryeministri Rama ishte ei ftuar në studion e Babaramos, dhe në një moment, ai hoqi mikrofonin, e la intervistën përgjysëm dhe u largua nga studioja.
Një nga arsyet kryesore ishte insistimi i gazetarit, për tenderin e uniformave të policisë për të cilin sot SPAK ka arrestuar 9 zyrtarë të ministrisë së brendëshme.
“Unë as nuk prodhoj dhe as nuk shes kapele” tha Rama kur u pyet për [mimin e kapeles së policit që i kalonte të 300 eurot.
Natyrisht, askush nuk mund ta akuzojnë kryeministrin se qëndron pas kësaj afere, por dyshimi që lind edhe pas zhurmës së bërë nga opozita madje edhe në parlament është se ai ka qenë në djeni se tenderi, 2.8 miliardë lekë për blerjen dhe shpërndarjen e uniformave dhe këpucëve për punonjësit e Policisë së Shtetit, ishte një histori që vinte erë të keqe. Prandaj kryeministri rrefuzoi të përgjigjej.
Kjo fabul e para zgjedhjeve dhe nervozizmi i Ramës me përmendjen e kësaj historie tregon në gjë: se gjithmonë lart janë të informuar për atë që bëjnë peshqit e vegjël. E si rjedhim ngrihet një pyetje: A i kanë thyer rregullat e pabarazisë në tendera 9 zyrtarët me kokën e tyre? A e kanë bërë këtë pa djeni nga eprorët?
Po të shohësh njoftimin e sotëm të SPAK aty bëhet fjalë për shkelje të barazisë në tendera, për për[udnim të procedurave, për krijimin e avantazheve dhe privilegjeve për fituesin.
Po a mund të ndodhin shtrembërime kaq flagrante pa urdhrin e shefave?
Në majin e vitit që shkoi, Ministria e Brendëshme drejtohej nga Sandër Lleshi ndërsa sekretar i përgjithshëm ishte Plarent Ndreca. A mundet që diikush që ka parë shkelje kaq flagrante të mos jetë ankuar tek ata si drejtues? Po po të kishte ndodhur kjo, a këkruan ata një hetim? Pse zhurma u bë nga opozita dhe nga deputetë që nuk i përkisnin kësaj mazhorance?
Dyshimet janë se krimi mund të jetë bërë shumë më lart sesa cironkat që na ka servirus sor SPAK si koka turku.
Një detaj tjetër që të bën të hamendësosh për një drejtësi të dirigjuar politikisht është edhe një fakt i dytë. Qeveria dhe Ministri i Brendëshën kanë qenë të informuar për goditjen që do të jepte Prokuroria e Posat[me që me sa duket raporton tek shefi i madh. Këtë e dëshmon pushimi nga puna i Edlira Naqellarit e cila deri para 8 ditësh ka mbajtur postin e drejtoreshës së Agjencisë së Blerjeve të Përqëndruara në MB. Por me një vendim të beftë ajo është shkarkuar nga ministri Bledi Çuçi. Të besosh se këtu ka një rastësi duket pak si tepër.
Prandaj ndonëse ambasadorja amerikane Yuri Kim u shpreh edhe njëherë entuziaste (ajo deklaroi “Mirë që shohim më shumë veprime të SPAK kundër korrupsionit Abuzimi ose manipulimi i proceseve të prokurimit publik është njësoj si të vjedhës të gjithë qytetarë”) dyshimet mbeten të forta. SPAk vazhdon të bëjë spektaklin e një drejtësie me leje. Sepse për gjithkën është e vështirë të mendohet se qenka kryer një vjedhje me një fond 25 milionë euro dhe ketë e kanë bërë me kokën e tyre 9 peshq të vegjël. /Lapsi.al/
