Një lajmi i mirë ka ardhur nga Agjencia e Ushqimit dhe Veterinarisë në Kosovë. Një deklaratë e fundit e tyre ka bërë me dije se Gripi i Shpendëve në Kosovë është mposhtur. Si rrjedhojë, vendimi i AUVK-ut për ndalimin e lëvizjes së shpezëve është shfuqizuar.
Lajmi u konfirmua nga zëdhënësi i këtij institucioni Lamir Thaçi, në një deklaratë për mediat.
“Nga dita e sotme të gjithë fermerët shpezëtarë të Kosovës janë të lirë që të tregtojnë shpezët e tyre, por gjithmonë duke respektuar kushtet sanitare dhe ligjore dhe hapësirat zyrtare të tregtimit. Ne si autoritet shtetëor kemi treguar nivel të lartë të profesionalizmit. Kemi treguar një përkushtim shumë të madh, sepse është një virus shumë i rrezikshëm. Dhe ne ia dolëm që për një afat shumë të shkurtër kohor, faktikisht nga dita e sotme, të jemi të lirë nga ky virus”, ka thënë ai.
