Presidenti i Haitit Jovenel Moïse është vrarë në një sulm në rezidencën e tij private, sipas një deklarate nga Kryeministri i përkohshëm Claude Joseph.
Joseph tha se vendbanimi i presidentit në Port-au-Prince u sulmua nga njerëz të armatosur të paidentifikuar rreth orës 01:00 me kohën lokale (05:00 GMT).
Njoftohet gjithashtu se është plagosur gjatë sulmit edhe Zonja e Parë.
Joseph tha se “Janë marrë të gjitha masat për të garantuar vazhdimësinë e shtetit”.
Jovenel Moïse, 53 vjeç, ishte në pushtet që nga Shkurti 2017, pasi paraardhësi i tij në zyrë, Michel Martelly u largua nga posti.
Raportohet se Z.Moinse u përball me akuza për korrupsion dhe u sfidua nga valët e protestave shpesh të dhunshme anti-qeveritare.
