Gjyqtari gjerman Felix Brych është caktuar nga UEFA për të gjykuar ndeshjen mes Italisë dhe Spanjës në gjysmëfinale të Kampionatit Evropian 2020 të martën.
Ai do të ndihmohet nga bashkatdhetarët e tij Mark Borsch dhe Stefan Lupp, ndërsa Marco Fritz do të jetë në krye të VAR-it.
Ai ka gjykuar tri ndeshje deri tani në Euro 2020, përfshirë çerekfinalen Angli-Ukrainë të shtunën.
Brych debutoi si gjyqtar ndërkombëtar në vitin 2007 në takimin mes Rumanisë dhe Luksemburgut në kualifikime për Kampionatin Evropian 2008.
Në sezonin 2016-2017, ai gjykoi finalen e Ligës së Kampionëve mes Real Madridit dhe Juventusit.
