Gjykata sekuestron 3 llogari bankare me vlerë 100 mijë Euro/ Ja kujt i perkasin

Gjykata e Fierit ka vendosur sekuestro preventive për tre llogari bankare me vlerën totale 100.000 euro të depozituara pranë një banke të nivelit të dytë nga shtetësja Lumturi Çervenaku, e ëma e shtetasit Rando Hodollari.

Sekuestrimi i llogarive bankare është bazuar në të dhëna të arsyeshme që provojnë se këto pasuri burojnë nga të ardhura të fituara si pasojë e aktivitetit kriminal në fushën e narkotikëve të kryer në vazhdimësi nga shtetasi Rando Hodollari në shtetin grek.

LEXO EDHE  Zbardhen detaje rrëqethëse në lidhje me vrasjen e shqiptares në SHBA/ ‘Bambi” e qëlloi në makinë, teksa mbante fëmijën në prehër

Ky i fundit është arrestuar në Greqi në vitin 2018, ndërsa ai dyshohet se ka drejtuar një grup të trafikut të drogës që operonte kryesisht në Athinë, dhe përbëhej nga shqiptarë.