Organizonin baste online, procedohen penalisht 2 persona në Elbasan

Policia e Elbasanit ka proceduar penalisht në gjendje të lirë, për veprat penale “Organizimi i lotarive të palejuara” dhe “Fshehja e të ardhurave”, 2 persona.

Këta të fundit janë kapur duke ushtruar në ambientet e lokaleve të tyre faqe interneti për baste sportive.

Është proceduar penalisht një  27 vjeçar, banues në Elbasan, pasi nga kontrolli i ushtruar në ambientet e lokalit të tij iu gjet dhe sekuestrua në cilësinë e provës materiale një telefon në të cilin kishte të hapur faqe interneti për baste sportive; dhe shtetasi Q. S., 60 vjeç, banues në Elbasan, pasi kontrollit të ushtruar në ambientet e lokalit të tij iu gjet dhe sekuestrua në cilësinë e provës materiale një telefon në të cilin kishte të hapur faqe interneti për baste sportive.

LEXO EDHE  Krimi në Greqi/ Publikohet momenti kur gjendet trupi i pajetë i 26 vjeçares (Video)

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.