43 migrantë janë mbytur pasi anija e tyre u fundos afër brigjeve Tunizisë, njoftoi Gjysmëhëna e Kuqe tuniziane.
Emigrantët ishin nisur nga porti libian i Zuara dhe po përpiqeshin të kalonin Mesdheun për të arritur në Europë.
84 të tjerë u shpëtuan nga marina tuniziane, tha kreu i kokës së Gjysmëhënës së Kuqe të Tunizisë, Mongi Slim.
Muajt e verës kanë parë një rritje të migrantëve që përpiqen të arrijnë në Europë nga Afrika e Veriut, me destinacion kryesisht Italinë.
Anija, e cila u nis të hënën në mbrëmje kishte në bord emigrantë nga Egjipti, Sudani, Eritrea dhe Bangladeshi. Anija u përmbyt pasi motori i saj u prish.
Të shpëtuarit, pranë portit të peshkimit tunizian të Zarzis, ishin të moshës nga 3 deri në 40 vjeç, sipas ministrisë së mbrojtjes së Tunizisë.
Gjysmëhëna e Kuqe Tuniziane u dha atyre ushqim dhe pije ndërsa kërkonin hapësirë për t’i strehuar ata për periudhën e kërkuar të izolimit Covid, thanë mediat vendase.
Libia është një pikë nisjeje rëndësishme tranziti për migrantët nga shumë vende të Afrikës dhe Lindjes së Mesme, që përpiqen të arrijnë Europën përmes Mesdheut.
Por, kohët e fundit Tunizia është bërë gjithashtu një qendër kryesore dhe i ka bërë thirrje Bashkimit Europian për ta ndihmuar në parandalimin e fenomenit.
