Copa America/ Brazili mposht Kilin me 10 lojtarë dhe kualifikohet në gjysmëfinale

Brazili arrin të mposhtë me rezultatin minimal 1-0 kombëtaren e Kilit në “Estadio Olimpico Nilton Santos” të Rio De Zhaneiros.

“Seleçao” i falet golit të ish-milanistit Lukas Paketa sapo kishte filluar pjesa e dytë ku dhe vetë lojtari sapo kishte mbushur 1 minutë në fushën e blertë dhe menjëherë realizoi një gol të bukur me disa kombinime me shokët e skuadrës.

Pas 2 minutave kombëtarja braziliane u gjend në lojë me 10 vetë pas kartonit të kuq të marrë nga sulmuesi i Mançester Sitit, Gabriel Zhezus në minutën e 48′.

LEXO EDHE  Partizani lë pas zhgënjimin në Europë, klubi i kuq zbulon datën e nisjes të përgatitjeve për sezonin e ri

Kili gjeti golin e barazimit me Edu Vargas po VAR-i e akordon si të parregullt. Me këtë fitore Brazili shkon direkt në gjysmëfinalen e Kupës së Amerikës, dhe do të ndeshet në datën 6 korrik ndaj Perusë.