“Shpirti”/ Ardi Veliu: Janë realizuar 18 arrestime deri tani, qytetet ku u kryen aksionet

Drejtori i Policisë së Shtetit, Ardi Veliu saktësoi se janë ekzekutuar 18 nga 28 urdhër-arrestet e lëshuara nga SPAK ndaj personave të akuzuar si pjesë e një rrjeti që merrej me trafikun e drogës nga Shqipëria në Italia, e më tej në vende të tjera të Europës.

Lidhur me operacionin e koduar “Shpirti”, Veliu tha se arrestime janë kryer në disa qytete të vendit këtë të Premte: Vlorë, Kavajë, Tepelenë, Skrapar, Gjirokastër e tiranë.

“Gjatë kontrolleve të ushtruar në banesa për zbatimin e urdhër-arresteve janë gjetur e sekuestruar dhe dy armë zjarri, është bllokuar një sasi vlere monetare 60.000 euro. Po kështu, sot oficerët e policisë janë duke ekzekutuar urdhrat për vazhdimin e sekuestrove dhe besoj do finalizohen të gjitha”, shtoi ai.

6 ton drogë e sekuestruar

Më herët gjatë konferencës ë përbashkët për mediat mes përfaqësuesve të autoriteteve shqiptare të angazhuara në operacion, atyre italiane dhe Eurojust, prokurori i SPAK Mara bëri me dije se janë evidentuar episode te shumta të trafikut të lëndëve narkotike nga Shqipëria drejt brigjeve italiane dhe më pas me shtrirje në disa qytete të Italisë e vendeve të tjera të Evropës: kryesisht kanabis, heroinë, apo kokainë e lëndë të tjerë të përpunuara.

Gjatë hetimit të këtij procedimi janë sekuestruar mbi 6 ton lëndë narkotike dhe janë nxjerrë masa sigurimi për më shumë se 80 persona.

“Sot kemi përfunduar një operacion në vijim për ekzekutimin e 28 masave të sigurimit. Operacioni i shtrirë në Shqipëri, Mal të Zi, Spanjë dhe Itali. Operacioni ka pasur sukses”, tha ai.

4 bashkëpunëtorët e drejtësisë

Prokurori bëri me dije se katër bashkëpunëtorë të drejtësisë “na kanë ndihmuar duke na dhënë të dhëna të rëndësishme. 4 bashkëpunëtorët kanë qenë thjesht pjesë e grupeve, por kanë pasur role të rëndësishme në këto grupe kriminale”.

Së pari, është dokumentuar i gjithë rrjeti nga kultivimi, magazinimi dhe mbërritja e drogës në brigjet italiane, shtoi.

LEXO EDHE  Një tjetër pushues humb jetën në Shëngjin, dyshimet

Së dyti, në kohë reale është ndjekur dhe hetim pasuror dhe janë identifikuar të gjitha pasuritë që javë vënë si rezultat i aktiviteteve kriminale, vijoi.

Zyrtarët e përfshirë në trafik droge

“Në këtë hetim janë evidentuar zyrtarë të lartë të përfshirë në krimin e organizuar drejtpërdrejtë duke përfituar nga krimi i organizuar dhe si mbështetës së krimit. Kemi evidentuar zyrtar që kanë shpërdoruar detyrë janë përfshirë direkt në trafikun e narkotikëve”, tha.

Pasuritë e sekuestruara

Prokurori bëri me dije se sot janë sekuestruar një numër i madh pasurish.

“Pasuritë janë kryesisht në qytetin e Vlorës, Kavajë, Tiranë e vende të tjera. 11 pasuri të paluajtshme, hotele, troje, restorante etj. Janë sekuestruar 4 shoqëri tregtare dhe disa pasuri të tjera që në kapin vlerë mbi 3 mln euro. Është dokumentuar fakti që këto pasuri janë direk të vëna si rezultat i aktivitetit kriminal”.

4 grupe kriminale shqiptare

“Në fakt, ka qenë një hetim shumë i mirë me metoda speciale hetimi që janë dokumentuar dhe dy episode të tjera trafikime. Për një është autorizuar dhe dorëzimi i kontrolluar dhe është dokumentuar veprimtaria kriminale e katër grupeve kriminale të struktura që vepronin në mënyrë të ngushtë me grupet kriminale bareze apo grupe të tjera të shtrira në zona të tjera të Italisë”, përfundoi ai.