Partizani do të luajë kundër Sfintul Gheorghe, ndeshje e vlefshme për turin e parë të Conference League.
Klubi i kuq ka bërë publik axhendën e takimit. Sfida do të luhet në stadiumin “Elbasan Arena”, nën dritën e prozhektorëve”, në orën 20:00. Përmes një njoftimi në kanalin zyrtar, klubi i Partizani shkruan:
“Liga Konferencës | Turi I
FK Partizani – FC Sfintul Gheorghe
E enjte, 8 korrik
Ora 20:00
Stadiumi “Elbasan Arena
Skuadra nis sezonin e ri futbollistik 2021 -2022 si pjesmarrëse në Ligën e Konferencës. Në turin e parë eleminator të kompeticionit më të ri evropian, të kuqtë do të përballen me ekipin moldav FC Sfintul Gheorghe. Saktësojmë se takimi parë në program në 8 korrik do të luhet në stadiumin “Elbasan Arena” në Elbasan në orën 20:00.
Ky takim do të gjykohet nga zvicerani Lukas Fandrik, i asistuar nga Jonas Erni dhe Guilame Maire, ndërsa arbiter i katërt do të jetë Stefan Horisberger. Siç edhe është vendosur nga Komiteti Teknik i Ekspertëve në vend, duke filluar nga data 1 Korrik stadiumet do të hapen pjesërisht dhe pjesmarrja e publikut në ndeshje do të lejohet 30% e kapacitetit të stadiumeve”, ishte njoftimi i klubit të Partizanit.
