Kryeministri Edi Rama u shpreh i prerë sot se nuk ka ndërmend të lëvizë nga detyra Ardi Veliun, Drejtorin e Përgjithshëm të Policisë së Shtetit.
Rama tha se nuk ka krizë të Policisë së Shtetit, ndërsa foli për arritje të saj, përfshi këtu edhe zbulimin e disa ngjarjeve kriminale.
“Nëse do të largonim njerëzit nga detyrat për një ngjarje, atëherë të jeni të bindur se nuk do të gjenim askënd që të merrte detyrën”, tha Rama, duke iu përgjigjur pyetjes së drejtëpërdrejtë nëse do të shkarkonte apo jo Ardi Veliun.
Kryeministri deklaroi se nuk justifikon askënd, por jemi në një nga momentet kur një, dy apo tre ngjarje, janë aryse për të bërë analiza, por nuk janë ngjarje që na çojnë në konkluzionin se këtu njerëzit vdesin po dolën në rrugë.
“Edhe nëse i referoheni deklaratës “hëngshin kokat” për kriminelët, Policia me profesionalizmin e saj ka arritur të zbardhë disa prej ngjarjeve. Por policia nuk ka çfarë të bëjë kur dy fqinj në mes të natës zihen mes tyre”, tha Rama.
