Përcillen sot për në banesën e fundit 4 anëtarët e familjes Gushi, të cilët humbën jetën dje në një aksident tragjik në aksin Fier-Vlorë.
Raportohet se Eduart Gushi, 44 vjeç, gruaja e tij, Silvana Gushi dhe dy vajzat e tyre të mitura, Anastasia dhe Eva do të përcillen për në banesën e fundit në Patos. Sipas njoftimit mortor, ceremonia e varrimit do të mbahet në orën 10:00, ndërkohë që raportohet se shumë familjarë të tyre kanë udhëtuar nga Greqia pas lajmit të kobshëm.
Ngjarja e rëndë që tronditi mbarë opinionin publik ndodhi në autostradë, ku një mjet tip Audi, ku udhëtonin 3 të rinj, që dyshohet se lëvizte me shpejtësi tej normave të lejuara, ka goditur mjetin e viktimave nga pas. Të plagosur mbetën edhe 3 të rinjtë, të cilët janë jashtë rrezikut për jetën, ndërsa familja Gushi u shua e gjitha. Sipas raportimeve mediatike, familja kishte ardhur nga Greqia për pushime në Shqipëri, pasi prej 2 vitesh nuk kishin mundur dot për shkak të pandemisë.
Ata prej disa vitesh kishin lëvizur nga Patosi, për një jetë më të mirë drejt shtetit helen, ndërkohë që një aksident i rëndë i mori jetën.
Lexo edhe:
