Policia thotë se ka arrestuar sot pasdite në flagrancë drejtuesin e mjetit që dyshohet se shkaktoi aksidentin në aksin rrugor Fier-Vlorë.
Igli Madani, 22 vjeç, banues në Tiranë, u prangos pasi duke drejtuar automjetin tip “Audi”, në aksin rrugor Fier-Vlorë, dyshohet se ka humbur kontrollin dhe ka goditur nga mbrapa automjetin tip “Toyota” me drejtues shtetasin Eduart Gushi 44 vjeç.
Si pasojë e kësaj goditjeje fatale ndërruan jetë 4 shtetasit që udhëtonin me mjetin mjetin “Toyota”.
Gjithashtu, si pasojë ka mbetur i dëmtuar vetë drejtuesi i mjetit “Audi” Igli Madani që u vu nën arrest spitalor si dhe dy pasagjerët, Fabio Lamaj dhe Glori Selimi.
Që të tre, ndodhen në spitali, nën kujdesin e mjekëve.
Materialet në ngarkim të Madanit i kaluan Prokurorisë pranë Gjykatës së Shkallës së Parë Vlorë për veprën penale “Shkelja e rregullave të qarkullimit rrugor”.
