Chris Brown akuzohet se ka lënduar në kokë një grua gjatë një debati që patën mes tyre.
Të premten në mëngjes, Departamenti i Policisë së Los Anxhelosit shkoi në shtëpinë e Brown në Tarzana pasi një grua raportoi se u goditi në fytyrë, raporton “TMZ”.
I dyshuari, me sa duket Brown, nuk ishte më në vendngjarje, por tani policia po merret me hetimin dhe shqyrtimin e çështjes. Sipas “TMZ”, gruaja u përplas në pjesën e pasme të kokës.
Shtëpia e Brown në Tarzana është vizituar shpesh nga policia muajin e fundit. Gjatë festës së ditëlindjes së këngëtarit në maj, policia u thirr për shkak të muzikës së lartë. Të paktën 300 makina ishin parkuar jashtë dhe festa u prish.
Brown ka një të kaluar të mbushur me akuza për dhunë. Ndërsa dilte me Rihanna-n, Brown e dhunoi këngëtaren dhe u shtrua në spital në vitin 2009. Ai u akuzua për sulm. Në 2017 ai mori urdhër ndalimi. Në janar 2019, këngëtari u arrestua në Paris pasi një grua pretendoi se ajo ishte përdhunuar nga ai. Megjithatë, Brown e mohoi akuzën.
