Në studion e “E diell” ka nisur debati i ashpër mes Ana Lleshit dhe Serxhina Laskës teksa diskutohej në “Trotuar” për temën ‘Në gjurmën e prindërve’.
Debat i ashpër ka ndodhur sot në rubrikën “Trotuar” në “E Diell” mes Ana Lleshit dhe Serxhina Laskës. Tema në studio ishte “Në gjurmët e prindërve”, ku ish-konkurrentja e “Për’puthen” u shpreh se prindërit u imponojnë fëmijëve të ndjekin një drejtim të caktuar për të siguruar një të ardhme më të mirë.
Në këtë moment ndërpritet nga Serxhina dhe Ana nuk e pret aspak mirë. Teksa kjo e fundit reagoi me tone të larta, Laska përmendi edukatoren.
Nga ky reagim i papritur i Serxhinës, Ana u prek shumë pas së fundmi ka deklaruar historinë e saj që është rritur në jetimore.
Debati në studion “E Diell”:
Ana: Kjo ndodh për arsye se është familja e varfër dhe duan më të mirën për atë fëmijë dhe i thonë bëj këtë shkollë ti se me këtë do kesh të ardhura.
Serxhina: A mund ta mendojmë pak më thellë se mua më vjen në mendje një thënie e Platonit.
Ana: Mund ta mendosh cik më thellë apo cekët, por pasi ta mbaroj fjalën unë.
Serxhina: Një sekondë se po flas.
Ana: Edhe unë po flisja kështu që mund ta mbyllësh gojën ti, jo unë.
Serxhina: S’të ka edukuar edukatorja.
Ana: Jo, s’kam pasur edukatore. Kush është problemi? Do më edukosh ti?
Serxhina: Një shprehje shumë e bukur e Platonit thotë: Njeriu i mirë mendon për gjithçka, por nuk bën gjithçka. Që do të thotë, në rast se ti e ndrydh fëmijën që ai të mos e njohë veten dhe të mos e emërtojë atë që ndjen, fëmija arrin deri aty sa ndrydhet dhe nuk e di se çfarë do dhe sit a menaxhojë veten në situata të ndryshme. Që do të thotë që edhe nëse prindi do t’ia imponojë fëmijës, fëmija mund të dalë kundra dhe t’ia mohojë.
DENONCO