Kontroll i befasishëm në burg/ Zbulohen nga thikat e shufrat metalike te shishet e verës

Një operacion i jashtëzakonshëm u krye mbrëmjen e djeshme nga oficerët e policisë të Nën-Drejtorisë së Sigurisë Agios Nikolaos, TAE – KAE Lassithi dhe Departamenti E.K.A.M. në Kretë, në pavijone dhe zona të përbashkëta të Qendrës së Paraburgimit të Napolis.

Gjatë kontrollit, u gjetën dhe konfiskuan gjithsej 14 thika të improvizuara, 5 shufra metalike të improvizuara gjithashtu, 2 telefona celularë, një karikues i telefonit, 3 shishe verë, 23 tableta me ngjyra të ndryshme, substanca të panjohura dhe 50 euro.

LEXO EDHE  GJKKO rrëzon kërkesën e ish-drejtorit të policisë së Vlorës, Jaeld Çelës për zbutjen e masës së sigurisë

Sipas njoftimit të policisë, menjëherë është njoftuar prokurori kompetent.

Hetimi paraprak është kryer nga Nën-Drejtoria e Sigurisë së Agios Nikolaos, ndërsa kontrolli i paraparë disiplinor është në proces.