Emrat/ Kush janë tre të rinjtë që qëlluan ndaj pronarit të ‘Orange Club’

Policia thotë se ka identifikuar personat të cilët qëlluan ndaj biznesmenit Spiro Iljadhi në Sarandë. Madje policia thotë se atentati me armë zjarri ndaj 35-vjeçarit ka si shkak një sherr të momentit.

Sipas informacioneve, autorët e dyshuar të ngjarjes janë shtetasit: Andrea Çaushi 35 vjeç, Visi Çaushi 33 vjeç (vëllezër) dhe Redjan Hadëri 33 vjeç, të tre banues në Tepelenë.

Këta shtetas, rreth orës 03:50, në lagjen Nr.1, Sarandë, në afërsi të lokalit ‘Orange Club’ në pronësi të Iljadhit, në bashkëpunim me njëri-tjetrin plagosur me armë zjarri këtë të fundit.

LEXO EDHE  Akuzat e Petro Koçit, analisti: SPAK të tregojë se pandëshkueshmërisë i ka ardhur fundi

I plagosur ka mbetur dhe një kalimtar i rastit pushues në Sarandë por banues në Tiranë, Mario Jani 33-vjeç, shqiptaro-amerikan, i cili ndodhet në spital, jashtë rrezikut për jetën.

Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe biznesmenit Iljadhi.

Nga ana e Policisë po punohet intensivisht për kapjen e tyre, vendosjen përpara përgjegjësisë ligjore dhe dokumentimin e plotë të ngjarjes.