Partizani ndërhyn në merkaton e Tiranës, të kuqtë gati për prezantimin e radhës

Pas zyrtarizimit të Emiliano Mustës dhe Herald Markut, Partizani është gati për të bërë prezantimin e radhës. Edhe pse jo ende zyrtare, të kuqtë kanë arritur akordin me qendërmbrojtësin e njohur.

Sakaq në mediet e shkruara bëhet me dije se Partizani është futur vrullshëm edhe për Redon Xhixhën.

Sulmuesi kurbinas kishte arritur akordin me Tiranën, por tarifa e formimit që duhet paguar në klubin e Laçit, duket se ka tërhequr 25-herë kampionët e Shqipërisë.

Edhe Marku ishte në planet e bardhebluve, por në fund ishte Partizani që nënshkroi me mesfushorin shkodran. Zhvillime të reja priten në vazhdim sa i përket të ardhmes së 16-herë kampionëve të vendit.