Instituti Kombëtar i Shëndetësisë Publike në Kosovë (IKSHPK) ka regjistruar të Premten nëntë raste të infektimit me koronavirus pas 1,694 testimeve.
Përgjatë 24 orëve të fundit nuk është regjistruar asnjë viktimë.
IKSHPK-ja ka njoftuar se më 18 qershor janë shëruar 14 pacientë nga COVID-19, ndërsa raste aktive janë 179.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,629 pacientë me këtë virus.
Prej tyre 2,250 kanë vdekur.
Deri më tani, të paktën një dozë të vaksinës e kanë injektuar 125,882 persona.