Nik Zogu 44 vjeç, banues në qytetin e Durrësit me profesion shofer i një kamioni, është pasagjeri që humbi jetën në tragetin e linjës Ankona-Durrës, paraditen e sotme.
44-vjeçari sipas raportimeve ka pësuar një atak kardiak, ndërsa trageti ndodhej në mes të detit. Pavarësisht se ai është transportuar me një helikopter drejt spitalit për ndihmë të specializuar, 44-vjeçari nuk ka mundur të mbijetojë.
Nga raportimet mësohet se viktima nuk është ndjerë mirë gjatë udhëtimit, deri në pësimin e atakut kardiak.
Trageti ka ndaluar në mes të detit dhe ka pritur një helikopter të ndërhyrjes së shpejtë italiane i cili e ka marrë pasagjerin dhe e ka dërguar në spital në Itali.
Vetëm atëhere trageti ka vijuar udhëtimin në drejtim të Durrësit.
Trageti që duhej të mbërrinte në orën 10.00 mbërriti në orën 13 e 30 në Durrës.
DENONCO