Ish-Ministri i Drejtësisë, Ylli Manjani, përmes një postimi në rrjetet sociale ka hedhur akuza ndaj Operacionit Ndërkombëtar të Monitorimit, i cili po mbikqyr reformën në drejtësi dhe kryesisht procesin e Vettingut.
Sipas Manjanit, ONM dhe misionet e tjera të huaja që na asistojnë tek reforma në drejtësi, pritej të sillnin informacione dhe praktika të mira nga vendet perëndimore.
“Për fat të keq ata janë katandisur në shkrues letrash anonime, përdorues shpifjesh, inicues procesesh inkuizitore (sistemi akuzator ka kohë që ka rënë) të pa mbështetur në fakte e prova.
Ata mbështeten cilësinë më të dobët të mundshme të ligjbërjes dhe lejuan vakume që shkatërruan, më shumë se ç’e shkatërruam vetë ne, idenë e dhënies e drejtësisë së pavarur.
Shihni me vemendje rekomandimet e tyre (ONM në vetting dhe misionet e tjera që hartojnë ligjet). Janë të gjitha produkte shqiptare. Mbushur me thashetheme, shpifje, opinione të pa faktuara. Produkte nga ata të kohës së komandatit”, shkruan Manjani.
Postimi nga Ylli Manjani
ONM dhe misionet e tjera të huaja që na assistojnë tek reforma në drejtësi, priteshin të na sillni informacione dhe praktika të mira nga vendet perëndimore.
Për fat të keq ata janë katandisur në shkrues letrash anonime, përdorues shpifjesh, inicues procesesh inkuizitore (sistemi akuzator ka kohë që ka rënë) të pa mbështetur në fakte e prova.
Ata mbështeten cilësinë më të dobët të mundshme të ligjbërjes dhe lejuan vakume që shkatërruan, më shumë se ç’e shkatërruam vetë ne, idenë e dhënies e drejtësisë së pavarur.
Shihni me vemendje rekomandimet e tyre (ONM në vetting dhe misionet e tjera që hartojnë ligjet). Janë të gjitha produkte shqiptare. Mbushur me thashetheme, shpifje, opinione të pa faktuara. Produkte nga ata të kohës së komandatit… Falë këtij “standardi” ka sot procese ligjore (aministrative e penale) të çelura me muhabete kafenesh.
Ndërhyrjet në ligje u bënë sipas metodës sonë. Zgjidh problemin e ditës e mos e vrit mendjen për dëmtimin e normës parimore. Ligjet janë si plane masash e jo si norma që rregullojnë marrdhënie afatgjata.
Zhgënjim i madh janë, me thënë të drejtën.
****
Padyshim nuk janë ata përgjegjësit e as fajtorët. Përgjegjës janë shqiptarët tanë që i kurdisin këto misione sipas interesit të momentit dhe ata shqiptarë që pranojnë të zbatojnë këto standarde në kurriz të lirive dhe të drejtave të shqiptarëve të tjerë…
Mirëpo kjo gjë është me radhë. Dhe radha do zërë edhe kurdisësit, edhe zbatuesit e verbër të porosive….
E atëherë të huajt do kenë ikur.
As telefonin sdo ua lenë…
DENONCO