Erdogani “harron” ujërat e zeza të Spitalit Memorial, Rama e “korrigjon” me 200 mijë euro

Nga BoldNews.al

Shqipëria ka nevojë urgjente për shërbime bazë; rrugë, shkolla, kopshte, spitale, etj! S’ka rëndësi kush i sponsorizon, qoftë Trumpi, Putini, Bideni, Erdogani, Makroni. Por, kur ato përdoren për qëllime të tjera, këtu “vjen erë”. Askush nuk është kundër ndërtimit të Spitalit Memorial të Fierit. Pavarësisht pamjes, nëse atje ka shërbim mjekësor, kjo është një e mirë publike. Qoftë t’u vijë në ndihmë banorëve të zonës. Por, ky donacion mund të na kushtojë shtrenjtë.

Pritet që firma turke të fitojnë miliona euro në tendera dhe koncesione. Madje, e njëjta firmë që e ndërtoi edhe këtë spital. Ky i fundit, u përdor rëndom nga kryeministri Edi Rama. Aq sa e ndërtoi me shpejtësi, para zgjedhjeve. Çudibërësi, që deri në atë kohë kishte bërë shumë pak për shëndetësinë, shpejtoi procedurat nga “donacioni” i Erdoganit. Dhe, kjo shpejtësi po sjell pasojat e para.

Erdogani ka “garuar” të bëje të gjitha punimet në atë spital. Shpejtësia e premtuar ndaj Ramës ka sjellë që inxhinierët turq të harrojnë edhe kanalizimet e ujërave të zeza. Megjithëse është në një terren fushor, specialistët nuk kanë parashikuar se spitali do të kishte nevojë për këto kanalizime. Dhe, për të “korrigjuar” këto gabime, Bashkia e Fierit, e urdhëruar nga Edi Rama, ka hapur një tender me objekt “ndërtim i sistemit të trajtimit dhe largimit te ujërave të përdorura të Spitalit Memorial, Fier”. Pra, të atij spitali “simbol” i fushatës dhe zgjedhjeve të 25 prillit. Të atij spitali që Edi Rama bënte video çdo 3 ditë dhe e publikonte me mburrje në rrjetet sociale. Shpejtësia për ta bërë para zgjedhjeve ka sjellë pasojat e para, pikërisht ato ekonomike.

LEXO EDHE  Aksidenti me 10 viktima në Kroaci, rritet numri i të plagosurve. 8 në gjendje kritike

BoldNews ka hulumtuar dokumentet e këtij tenderi të shpallur nga Bashkia e Fierit. Më të, thuhet se fondi për këtë tender është 20.971.586 lekë. Kohëzgjatja e punimeve është 28 ditë, ndërsa tenderi do të zhvillohet më datën 29 qershor 2021. Pra, prerjet e shiritave të Ramës apo Manastirliut, duket se kanë qenë të parakohshme. Nga ato shiritat false para zgjedhjeve. Por, a do ti presin sërish këto shirita kur të mbarojnë edhe këto punë?