Shërbimi Meteorologjik ushtarak njofton se për ditën e Shtunë vendi ynë do të vijojë të ndikohet nga qarkullimi i masave ajrore të paqëndrueshme dhe moti parashikohet fillimisht me kthjellime dhe vranësira në zhvillim deri të dendura nga orët e mesditës deri ato të pasdites ndërsa vranësirat do të shoqërohen me reshje e shiu të cilat do të përfshijnë kryesisht jugun dhe qendrën si dhe të gjitha zonat malore në lindje e përkohësisht reshjet do të marrin karakter shtrëngatash me rrebeshe shiu e breshëri lokal.
Sipas njoftimit, për ditën e Diel pritet përmirësimi gradual i kushteve atmosferike për vendin tonë pasi moti parashikohet me kthjellime si dhe alternime vranësirash kalimtare nga orët e mesditës deri ato të pasdites ndërsa në zonën e veriut vranësirat do të shoqërohen me reshje shiu me intensitet të ulët, dhe në relievet malore të kësaj zone përkohësisht reshjet do të marrin karakter shtrëngatash me rrebeshe shiu e breshëri lokal të cilat në orët e mesditës parashikohen gjithashtu edhe në relievet malore në pjesën tjetër të vendit.
