Zëdhënësi i DASH: Mbështesim integrimin e Shqipërisë dhe Maqedonisë në BE pa vonesa

Një zëdhënës i Departamentit Amerikan të Shtetit shprehu mbështetjen e DASH për hapjen e negociatave me BE “pa vonesa” për Shqipërinë dhe Maqedoninë e Veriut.

“Ne mbështesim hapjen e negociatave të pranimit në BE me Maqedoninë e Veriut dhe Shqipërinë pa vonesë. Ne jemi duke u angazhuar në nivelet më të larta të qeverisë për të demonstruar përkushtimin tonë në rrugën evropiane të aspirantëve”, shkroi Ned Price në Twitter, këtë të Premte.