Partizani çon në FIFA Enea Jorgjin, ja çfarë rrezikon të humbasë arbitri ndërkombëtar

Partizani e ka dërguar në FIFA arbitrin Enea Jorgji. Elbasanasi akordoi penallti për Vllazninë në ndeshjen kundër Demave, me shkodranët që fituan falë atij episodi duke nxjerrë të kuqtë nga gara për titullin kampion në Superligë.

Episodi i shumë diskutuar në elitën e futbollit tonë nuk i është shqitur nga mendja drejtuesve të Partizanit, duke e dërguar çështjen në FIFA.

Presidenti Demi paralajmëroi se ky episod do dërgohej në prokurori, njëjtë siç Partizani bëri më herët me arbitrin Kridens Meta.

LEXO EDHE  Skandali me biondet, Rooney: Kam gabuar, i kërkoj falje klubit dhe familjes

Duke parë se Gjykata në Shqipëri nuk e gjykon çështjen Meta për moskompetencë dhe për mos pasjen e asnjë precedent të mëparshëm në këtë fushë, çështja e re ka kaluar në FIFA.

Në të tilla kushte, Partizani e ka dërguar dosjen e Jorgjit në Komisionin e Arbitrave në FIFA. Nëse Jorgji del fajtor, atëherë pritet që t’i hiqet e drejta e arbitrimit në nivelin ndërkombëtar.