U largua nga Tirana, Cale surprizon me skuadrën e re. Ja ku do ta vazhdojë karrierën braziliani

Elton Cale do të vijojë karrierën te Gjilani, pas dy sezonesh me Tiranën, ku arriti të fitonte edhe titullin kampion.

Mediat kosovare raportojnë se braziliani ka arritur marrëveshjen me skuadrën e drejtuar nga Ismet Munishi, teksa “pikat mbi I” duket se i ka vendosur klubi nëpërmjet një postimi në faqen zyrtare, duke lënë të kuptohet se Kale do të prezantohet së shpejti në radhët e “Skifterave”.

Kale ka qenë një ndër futbollistët më të spikatur në Superiore, teksa do të kërkojë të lerë gjurmë edhe në futbollin kosovar. 32-vjeçari brazilian, për sa i përket ekipeve shqiptare në të kaluarën ka veshur fanellën e Kukësit, Flamurtarit dhe Tiranës, ndërkohë që ka pasur eksperienca pozitive dhe në Brazil, Portugali, Rusi dhe Greqi. Në ditët në vijim pritet të vijë edhe prezantimi i Kalesë me fanellën e Gjilanit.