KPK konfirmon në detyrë gjyqtarin Besmir Stroka

Komisioni i Pavarur i Kualifikimit shpalli sot vendimin e konfirmimit në detyrë të gjyqtarit të Shkodrës, Besmir Stroka.

Gjatë seancës dëgjimore të një dite më parë u paraqitën raporte pozitive për të tre kriteret e rivlerësimit për gjyqtarin Stroka.

Besmir Stroka përfundoi studimet në Shkollën e Magjistraturës në vitin 2015 dhe pas një periudhe stazhi në Gjykatën e Tiranës, u emërua gjyqtar në Gjykatën e Rrethit Shkodër, ku vazhdon të punojë aktualisht, raporton BIRN.

Procesi i vetingut për gjyqtarin Stroka u krye nga trupa e KPK-së e kryesuar nga Etleda Çiftja, me relatore Suela Zhegun dhe anëtare Alma Faskajn.