Vrasja/ Gjykata pranon kërkesën për gjykimin e Skënder Krasniqit, e ëma e revoltuar: Po vuaj për djalin që e rrita jetim

Gjykata e Fierit zhvilloi sot seancën paraprake për Skënder Krasniqi, i akuzuar për vrasjen e shtetasit Novruz Likometaj.

Gjyqtari Taulant Banushi vendosi pranimin e kërkesës së prokurorit për dërgimin e çështjes për gjykim.

Nëna e tij, bashkëshortja dhe dy fëmijët e kanë pritur në dyert e gjykatës me shpresën për ta takuar por pa mundur.

Mamaja e Skënder Krasniqit ka kërkuar lirinë për djalit të saj, i cili u arrestua për herë të dytë për vrasjen e biznesmenit 82-vjeçar, Novruz Likometaj në vitin 2015.

“Të ma nxirrni dhe jashtë shtetit nuk dua vetëm të jetë në Shqipëri. Është i pafajshëm. Krimi është në familje, ti varin në litar dhe nuk do të ketë më krim në familje. Ju falenderoj për respektin. Pse palën e tyre e morën brenda, se ka lek ai dhe nuk kam unë? Pse për lekë vuaj unë, unë vuaj për kalamajtë e mi, për djalin që e kam rritur jetim, janë në terezi këta apo jo?” tha ajo për mediat pas seancës.

Familjarët pretendojnë se Krasniqi është i pafajshëm, ndërsa e bija mes lotësh ka kërkuar ta shoh nga afër.

Prokuroria thotë se ka prova që kanë çuar në arrestimin për herë të dytë të Skënder Krasniqit në nëntor të 2020 por mamaja e shqetësuar tregon se nuk ka informacion dhe kërkon provat që po mbajnë prej 7 muajsh në burg djalin e saj.