Po ndërtonte pa leje, arrestohet 44-vjeçari në Elbasan

Në të njëjtën ditë kur në bregdet nis aksioni për shembjen e ndërtimeve pa leje, policia është vënë në lëvizje në të gjithë vendin.

Mëngjesin e sotëm Policia e Elbasanit njofton se ka arrestuar në flagrancë shtetasin S. Ll., 44 vjeç, banues në fshatin Bradashesh, pasi është konstatuar duke kryer ndërtim pa lejen e organeve përkatëse. Gjithashtu mësohet se ky shtetas ka ushtruar dhunë fizike ndaj punonjësit të Policisë Bashkiake Elbasan, shtetasit P. Gj.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.