PD kërkon përjashtimin e 7 anëtarëve të Kolegjit Zgjedhor/ Ja shkaku

Partia Demokratike kërkon përjashtimin e 7 gjyqtarëve të Kolegjit Zgjedhor që, sipas saj, refuzuan transparencën e zgjedhjeve në 3 qarqe. Përmes një deklarate, PD thekson se këta gjyqtarë nuk garantojnë paanshmëri në gjykim për 6 paditë e tjera

Kolegji Zgjedhor ka rrëzuar kërkesat e PD për paditë e depozituara për zgjedhjet në qarqet e Gjirokastrës, Vlorës dhe Beratit.

“Me vendinet e dhëna deri tani, këta gjyqtarë, njësoj si komisionerët politikë të KAS, refuzojnë transparencën mbi masakrën zgedhore te 25 prillit.

Refuzimi i i kërkesave të PD për marrjen zyrtarisht të provave i vendos këta gjyqtarë në pamundësi për të gjykuar me paanësi 6 kërkesat e tjera të ngjashme te PD për blerjen e votës dhe deformimin e rezultatit të zgjedhjeve përmes përdorimit të shtetit në funksion të PS. Në kërkesën për zëvendësimin e 7 gjyqtarëve të Kolegjit Zgjedhor, PD argumenton se duke qenë se këta gjyqtarë e kanë shprehur tashmë mendimin e tyre kundër kërkesave të PD për zgjedhjet, ata do të vazhdojnë me të njëjtin qendrim. Kjo bën që vendimet e tyre për 6 paditë e tjera të PD të jenë të paracaktuara, në shkelje të Kushtetutës dhe Kodit Zgjedhor për një proces të paanshëm.

PD vlerëson se vazhdimi i ankimimeve me të njëjtën trupë zgjedhore, e cila është shprehur 3 herë me radhë kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë”, thuhet në deklaratën e PD.