‘O zemra ime, të dua shumë’, detaje nga dosja e Prokurorisë. Ç’deklaruan dy fëmijët e Dhurata Saliajt

Dhurata Saliaj u arrestua nga Policia e Tiranës si bashkëpunëtore në vrasjen e bashkëshortit të saj, Kudret Saliaj, me të cilin ishin në një proces divorci.

Faxnews ka siguruar dosjen e prokurorisë së Tiranës në ngarkim të shtetases Dhurata Saliajt. Në dosjen e prokurorisë thuhen pretendimet që ka pasur familja Saliaj, për dhunën që Dhurata ka ushtruar ndaj vjehrrës, por edhe fëmijëve të saj.

Mësohet se ka qenë fillimisht shtetasja Saqine Saliaj, vjehrra e Dhuratës ajo që ka kallëzuar dhunën që ka ushtruar ndaj saj nusja. Në kallëzim thuhet se pre e dhunës kanë rënë dhe fëmijët e mitur, ndërkohë që pretendon se Dhurata e ka marrë dhe e ka kërcënuar dhe përmes telefonit me fjalët: Do të vras ty, mbesën dhe gocën”, si dhe fjalë të tjera kërcënuese.

Ndërkohë që dëshmi ka dhënë dhe vajza e mitur e çiftit Saliaj, e cila ka thënë si më poshtë” Kam qenë në lagje duke luajtur me vëllanë e vogël, kur ka ardhur babi dhe i ka thënë gjyshes se mamaja ka folur me persona të ndryshëm.

E mitura pohon në dëshminë e saj, se në darkë ka dëgjuar të ëmën që ka marrë në telefon gjyshen dhe e ka kanosur me fjalë se do ti vendoste njerëz nga pas për ti vrarë. E mitura deklaron po ashtu se mamaja e saj kishte rreth tre muaj që nuk sillej mirë me të dhe vëllanë e vogël. I kanoste me fjalë, i qëllonte në fytyrë, i pickonte, ndërsa vëllanë e vogël e ka goditur në fytyrë dhe me bërryl në pjesën e sipërme të vetullës, dhe i ka thënë se nëse do ti tregonte të atit do ta hidhte nga ballkoni.

I pyetur nga Oficeri i Policisë Gjyqësore, djali i mitur i çiftit, E. Saliaj ka deklaruar se mamaja nuk sillej mirë me të, e godiste dhe e kanoste me fjalët ”do të mbys me litar”. Si shkak të sjelljes së saj deklaron se ai ka parë mesazhe që ajo i kishte dërguar personave të ndryshëm me përmbajtje ”o zemra ime, të dua shumë, kur do talohemi?”.

Në akt ekspertimin që i është bërë vajzës së mitur ka rezultuar se ajo ka pasur dëmtime të shkaktuara nga mjet prerës.

Faxweb.al ka zbardhur më herët detaje nga vrasja e ndodhur ditën e premte në kryeqytet. 2 ditë përpara vrasjes së Kudret Saliajt, ka pasur konflikte mes tij dhe ish vjehrrit.

Mësohet se konflikti ka nisur pasi Kudret Saliaj kishte nxjerrë përjashtë rrobat e ish nuses së tij. Ndërsa Mexhit Picari kishte konstatuar se mungonin disa rroba dhe florinjtë që e bija kishte pasur.

Masa për vrasjen tronditëse që ndodhi në mes të një lokali në Tiranë do të jepet ditën e nesërme në orën 09:15.