Grushte e kërcënim me armë gjahu, shoqërohen 3 persona në Divjakë

Tre persona janë konfliktuar në Divjakë, në një sherr që sipas policisë nisi për motive të dobëta.

Burimet policore bëjnë me dijse se shtetasit P. K. dhe B. K.,  kanë goditur me grushte, shtetasin A. Ç, e më pas ky shtetas i ka kanosur me një armë gjahu që e kishte me leje nga organet kompetente, e cila u sekuestrua nga Policia në cilësinë e provës materiale.

Materialet janë referuar në Prokurorinë pranë Gjykatës së Shkallës së Parë Lushnjë, për shtetasit P. K., 34 vjeç dhe B. K., 31 vjeç, për veprën penale “Plagosja e lehtë me dashje” kryer në bashkëpunim, dhe për shtetasin A. Ç., 47 vjeç, për veprën penale “Kanosja”.