Tjetër krim/ Burri vret me sëpatë gruan dhe më pas var veten (FOTO)

Autori dhe viktima

Një tjetër vrasje është shënuar këtë të Hënë në vend. Në fshatin Dragostunjë të Librazhdit, Qemal Bici rreth 56 vjeç, ka vrarë me sopatë bashkëshorten e tij Menderie Bici rreth 53 vjeçe dhe më pas ka varur veten, njoftoi policia.

Sipas të njëjtave burime, krimi ka ndodhur në banesën e çiftit në rrethana ende të paqarta.

Grupi hetimor nën drejtimin e Prokurorisë ndodhet në vendngjarje dhe po punohet për zbardhjen dhe dokumentimin e plotë të  rrethanave të ngjarjes, thuhet më tej në njoftimin e policisë.

Banesa ku jetonte çfti

Vrasja e ditës së sotme rrit bilancin tragjik të këtij të muaji, që në 7 ditët e para ka parë 7 vrasje. Tre prej tyre kanë qenë atentate të tipit mafioz e që ende nuk janë zbardhur nga policia.