Dorëzohet në polici i dyshuari për vrasjen e shqiptarit nga Kosova në Hanover

Të enjten në qendër të qytetit të Hanoverit në Gjermani është vrarë 30-vjeçari, shqiptar nga Kosova, Armin Neziri.

Siç kanë njoftuar mediat, 30-vjeçari, u qëllua me armë zjarri në një nga kryqëzimet e qytetit gjerman, teksa ndodhej brenda automjetit të tij tip “Porsche Cayenne”, ku si pasojë mbeti i vrarë në vend.

LEXO EDHE  VIDEO/ Zjarri në Vithkuq merr përmasa të mëdha, rrezikohet Manastiri i Shën Pjetrit

Lidhur me këtë rast, i dyshuari Rinor Z. nga Kosova u përball me autoritetet sot pasdite.

Ai u shfaq i shoqëruar nga avokati i tij Clemens Angerer teksa edhe iu shpall urdhri i arrestit.

I dyshuari tani është në paraburgim. Prokuroria publike akuzon atë për vrasje, raporton rnd.de.