Zyrtare/ Bruno Telushi largohet nga Neftchi Baku, Partizani “ëndërron” rikthimin e tij

Bruno Telushi nuk është më një lojtar i Neftchi Baku në Azerbajxhan. Ka qenë klubi azer që ka konfirmuar prishjen e marrëveshjes me vlonjatin.

Tanimë mesfushori po kërkon një tjetër ekip, ndërsa nuk përjashtohet mundësia e kthimit te Partizani, aty ku u shpall edhe kampion para dy sezonesh.

Me vetëm 9 paraqitje në sezonin e fundit, Telushi nuk ka bindur klubin për të zgjatur kontratën. Lojtari u bashkua me Kukësin verën që shkoi, për të kaluar në Azerbajxhan ku u shpall kampion.

“PFC Neftchi nuk e ka rinovuar kontratën me mesfushorin Bruno Telushi. Falënderojmë futbollistin shqiptar për shërbimet e tij dhe i urojmë suksese në karrierën e tij. Duhet theksuar se Telushi, i cili u transferua në tetor të vitit të kaluar, u paraqit në 9 ndeshje”, shkruajnë azerët.